Faiz Ahmed Faiz Urdu Ghazal || Urdu Poetry Pics And Images

 آئے کچھ ابر کچھ شراب آئے

Poet: Faiz Ahmed Faiz

By: Faisal Latif

آئے کچھ ابر کچھ شراب آئے

اس کے بعد آئے جو عذاب آئے

بام مینا سے ماہتاب اترے

دست ساقی میں آفتاب آئے

ہر رگ خوں میں پھر چراغاں ہو

سامنے پھر وہ بے نقاب آئے

عمر کے ہر ورق پہ دل کی نظر

تیری مہر و وفا کے باب آئے

کر رہا تھا غم جہاں کا حساب

آج تم یاد بے حساب آئے

نہ گئی تیرے غم کی سرداری

دل میں یوں روز انقلاب آئے

جل اٹھے بزم غیر کے در و بام

جب بھی ہم خانماں خراب آئے

اس طرح اپنی خامشی گونجی

گویا ہر سمت سے جواب آئے

فیضؔ تھی راہ سر بسر منزل

ہم جہاں پہنچے کامیاب آئے

  فیض احمد فیض                          

Aaye Kuch Abr Kuch Sharaab Aaye

Is Ke Baad Aaye Jo Azaab Aaye

baam Meena Se Mahtab Utre

Dast Saqi Mein Aftaab Aaye

Har Rigg Khoo Mein Phir Cheraghan Ho

Samnay Phir Woh Be Naqaab Aaye

Umar Ke Har Waraq Pay Dil Ki Nazar

Teri Mohar o Wafa Ke Baab Aaye

Kar Raha Tha Gham Jahan Ka Hisaab

Aaj Tum Yaad Be Hisaab Aaye

Nah Gayi Tairay Gham Ki Sardari

Dil Mein Yun Roz Inqilab Aaye

Jal Utthay Bazm Ghair Ke Dar o Baam

Jan Bhi Hum Khaanamaan Kharab Aaye

Is Terhan Apni Khamshi Gungi

Goya Har Simt Se Jawab Aaye

Faiz Thi Raah Sir Busr Manzil

Hum Jahan Puhanche Kamyaab Aaye

                              Faiz Ahmed Faiz