Faiz Ahmed Faiz Urdu Ghazal || Urdu Poetry Pics And Images

 یاد کا پھر کوئی دروازہ کھلا آخر شب

Poet: Faiz Ahmed Faiz

By: Faisal Latif

یاد کا پھر کوئی دروازہ کھلا آخر شب

دل میں بکھری کوئی خوشبوئے قبا آخر شب

صبح پھوٹی تو وہ پہلو سے اٹھا آخر شب

وہ جو اک عمر سے آیا نہ گیا آخر شب

چاند سے ماند ستاروں نے کہا آخر شب

کون کرتا ہے وفا عہد وفا آخر شب

لمس جانانہ لیے مستیٔ پیمانہ لیے

حمد باری کو اٹھے دست دعا آخر شب

گھر جو ویراں تھا سر شام وہ کیسے کیسے

فرقت یار نے آباد کیا آخر شب

جس ادا سے کوئی آیا تھا کبھی اول شب

اسی انداز سے چل باد صبا آخر شب

فیض احمد فیض                          

Yaad Ka Phir Koi Darwaaza Khula Aakhir Shab

Dil Mein Bhikri Koi Khusbo e Quba Aakhir Shab

Subah Phooty To Woh Pehlu Se Utha Aakhir Shab

Woh Jo Ik Umar Se Aaya Nah Gaya Aakhir Shab

Chand Se Maand Sitaron Ne Kaha Aakhir Shab

Kon Karta Hai Wafa Ehad Wafa Aakhir Shab

Lams Janana liiye Masti Pemana Liye

Hamd Baari Ko Utthay Dast Dua Aakhir Shab

Ghar Jo Viran Tha Sir Shaam Woh Kaisay Kaisay

Furqat Yaar Ne Abad Kya Aakhir Shab

Jis Ada See Koi Aaya Tha Kabhi Awwal Shab

Isi Andaaz Se Chal Bad Saba Aakhir Shab

                           Faiz Ahmed Faiz