Faiz Ahmed Faiz Urdu Ghazal || Sad Urdu Poetry 

گلوں میں رنگ بھرے باد نوبہار چلے

Poet : Faiz Ahmed Faiz

By : Faisal Latif

گلوں میں رنگ بھرے باد نوبہار چلے

چلے بھی آؤ کہ گلشن کا کاروبار چلے

قفس اداس ہے یارو صبا سے کچھ تو کہو

کہیں تو بہر خدا آج ذکر یار چلے

کبھی تو صبح ترے کنج لب سے ہو آغاز

کبھی تو شب سر کاکل سے مشکبار چلے

بڑا ہے درد کا رشتہ یہ دل غریب سہی

تمہارے نام پہ آئیں گے غم گسار چلے

جو ہم پہ گزری سو گزری مگر شب ہجراں

ہمارے اشک تری عاقبت سنوار چلے

حضور یار ہوئی دفتر جنوں کی طلب

گرہ میں لے کے گریباں کا تار تار چلے

مقام فیضؔ کوئی راہ میں جچا ہی نہیں

جو کوئے یار سے نکلے تو سوئے دار چلے

Gulon Mein Rang Bharay Bad Nobahar Chalay

Chalay Bhi Aao Ke Gulshan Ka Kaarobar Chalay

Qafas Udaas Hai Yaaro Saba Se Kuch To Kaho

Kahin To Bahar khuda Aaj Zikar Yaar Chalay

Kabhi To Subah Tre Kunj Lab Se Ho Aaghaz

kabhi to shab sir kakul se mushkabar chalay

Bara Hai Dard Ka Rishta Yeh Dil Ghareeb Sahi

Tumahray Naam Pay Ayen Ge Gham Gsar Chalay

Jo Hum Pay Guzri So Guzri Magar Shab Hijran

Hamaray Asshk Tri Aqibat Sanwaar Chalay

Huzoor Yaar Hui Daftar Junoo Ki Talabb

Gurah Mein Le Ke Gireybn Ka Taar Taar Chalay

Maqam Faiz Koi Raah Mein Jacha Hi Nahi

Jo Koye Yaar Se Niklay To Soye Daar Chalay