یوں تو کہنے کو بہت لوگ شناسا میرے || Ahmed Faraz Urdu Poetry

 

Ahmed Faraz Urdu Poetry || Sad Urdu Poetry || Urdu Ghazal

یوں تو کہنے کو بہت لوگ شناسا میرے

Poet: Ahmed Faraz

By: Muhammad Faisal

Ahmed Faraz Urdu Poetry Pic

یوں تو کہنے کو بہت لوگ شناسا میرے

کہاں لے جاؤں تجھے اے دلِ تنہا میرے

وہی محدود سا حلقہ ہے شناسائی کا

یہی احباب مرے ہیں، یہی اعدا میرے

میں تہِ کاسہ و لب تشنہ رہوں گا کب تک

تیرے ہوتے ہوئے ، اے صاحبِ دریا میرے

مجھ کو اس ابرِ بہاری سے ہے کب کی نسبت

پر مقدر میں وہی پیاس کے صحرا میرے

دیدہ و دل تو ترے ساتھ ہیں اے جانِ فراز

اپنے ہمراہ مگر خواب نہ لے جا میرے