ہزاروں خواہشیں ایسی کہ ہر خواہش پہ دم نکلے
Poet: Mirza Ghalib
ہزاروں خواہشیں ایسی کہ ہر خواہش پہ دم نکلے
بہت نکلے مرے ارماں لیکن پھر بھی کم نکلے
Hazaaron khwahishen aisi ke har khwahish pe dam nikle, Bahut nikle mere armaan lekin phir bhi kam nikle
ڈرے کیوں میرا قاتل کیا رہے گا اس کی گردن پر
وہ خوں جو چشم تر سے عمر بھر یوں دم بدم نکلے
Dare kyun mera qaatil kya rahega us ki gardan par, Wo khoon jo chashm-e-tar se umr bhar yun dam-ba-dam nikle
نکلنا خلد سے آدم کا سنتے آئے ہیں لیکن
بہت بے آبرو ہو کر ترے کوچے سے ہم نکلے
Nikalna khuld se aadam ka sunte aaye hain lekin, Bahut be-aabru ho kar tere kooche se hum nikle
بھرم کھل جائے ظالم تری قامت کی درازی کا
اگر اس طرہ پرپیچ و خم کا پیچ و خم نکلے
Bharam khul jaaye zaalim teri qaamat ki daraazi ka, Agar is turra-e-pur-pech-o-kham ka pech-o-kham nikle
مگر لکھوائے کوئی اس کو خط تو ہم سے لکھوائے
ہوئی صبح اور گھر سے کان پر رکھ کر قلم نکلے
Magar likhwaaye koi us ko khat to hum se likhwaaye, Hui subah aur ghar se kaan par rakh kar qalam nikle
ہوئی اس دور میں منسوب مجھ سے بادہ آشامی
پھر آیا وہ زمانہ جو جہاں میں جام جم نکلے
Hui is daur mein mansoob mujh se baada-aashaami, Phir aaya wo zamaana jo jahaan mein jaam-e-jam nikle
ہوئی جن سے توقع خستگی کی داد پانے کی
وہ ہم سے بھی زیادہ خستہ تیغ ستم نکلے
Hui jin se tawaqqo khastagi ki daad paane ki, Wo hum se bhi zyaada khasta-e-tegh-e-sitam nikle
محبت میں نہیں ہے فرق جینے اور مرنے کا
اسی کو دیکھ کر جیتے ہیں جس کافر پہ دم نکلے
Mohabbat mein nahin hai farq jeene aur marne ka, Usi ko dekh kar jeete hain jis kaafir pe dam nikle
کہاں میخانے کا دروازہ غالب اور کہاں واعظ
پر اتنا جانتے ہیں کل وہ جاتا تھا کہ ہم نکلے
Kahaan maikhaane ka darwaaza Ghalib aur kahaan waaiz, Par itna jaante hain kal wo jaata tha ke hum nikle
0 Comments