Ab Ke Hum Bichhde To Shayad - Ahmad Faraz Urdu Ghazal

اب کے ہم بچھڑے تو شاید کبھی خوابوں میں ملیں

Poet: Ahmad Faraz

اب کے ہم بچھڑے تو شاید کبھی خوابوں میں ملیں

جس طرح سوکھے ہوئے پھول کتابوں میں ملیں

ڈھونڈ اجڑے ہوئے لوگوں میں وفا کے موتی

یہ خزانے تجھے ممکن ہے خرابوں میں ملیں

غمِ دنیا بھی غمِ یار میں شامل کر لو

نشہ بڑھتا ہے شرابیں جو شرابوں میں ملیں

تو خدا ہے نہ مرا عشق فرشتوں جیسا

دونوں انساں ہیں تو کیوں اتنے حجابوں میں ملیں

آج ہم دار پہ کھینچے گئے جن باتوں پر

کیا عجب کل وہ زمانے کو نصابوں میں ملیں

اب نہ وہ میں نہ وہ تو ہے نہ وہ ماضی ہے فراز

جیسے دو شخص تمنا کے سرابوں میں ملیں

---

Mazeed Parhen:

• Tera Chup Rehna Mere Zehen Mein Kya Baith Gaya - Tehzeeb Hafi Urdu Ghazal
• Fasle Aise Bhi Honge - Adeem Hashmi Urdu Ghazal
• Be Dili Kya Yunhi Din Guzar Jaenge - Jaun Elia Urdu Ghazal
• Ko Ba Ko Phel Gai Baat Shanasai Ki - Parveen Shakir Urdu Ghazal