Ye Mujhe Chain Kyun Nahin Padta - Jaun Elia Urdu Ghazal

یہ مجھے چین کیوں نہیں پڑتا

Poet: Jaun Elia

یہ مجھے چین کیوں نہیں پڑتا

اک ہی شخص تھا جہاں میں کیا

عمر گزرے گی امتحاں میں کیا

داغ ہی دیں گے مجھ کو دان میں کیا

میری ہر بات بے اثر ہی رہی

نقص ہے کچھ مرے بیاں میں کیا

مجھ کو تو کوئی ٹوکتا بھی نہیں

یہی ہوتا ہے خانداں میں کیا

بولتے کیوں نہیں مرے حق میں

آبلے پڑ گئے زباں میں کیا

وہ ملے تو یہ پوچھنا ہے مجھے

اب بھی ہوں میں تری اماں میں کیا

یوں جو تکتا ہے آسماں کو تو

کوئی رہتا ہے آسماں میں کیا