نہ تو زمیں کے لیے ہے نہ آسماں کے لیے
Poet: Allama Iqbal
نہ تو زمیں کے لیے ہے نہ آسماں کے لیے
جہاں ہے تیرے لیے تو نہیں جہاں کے لیے
Na tu zameen ke liye hai na aasman ke liye
Jahan hai tere liye tu nahin jahan ke liye
یہ عقل و دل ہیں شرر شعلۂ محبت کے
وہ خار و خس کے لیے ہے یہ نیستاں کے لیے
Ye aql o dil hain sharar shola-e-mohabbat ke
Wo khar-o-khas ke liye hai ye nistan ke liye
مقامِ پرورشِ آہ و نالہ ہے یہ چمن
نہ سیرِ گل کے لیے ہے نہ آشیاں کے لیے
Maqam-e-parwarish-e-ah-o-lala hai ye chaman
Na sair-e-gul ke liye hai na aashiyan ke liye
رہے گا راوی و نیل و فرات میں کب تک
ترا سفینہ کہ ہے بحرِ بے کراں کے لیے
Rahega rawi o nil o furat mein kab tak
Tera safina ki hai bahr-e-be-karan ke liye
نشانِ راہ دکھاتے تھے جو ستاروں کو
ترس گئے ہیں کسی مردِ راہ داں کے لیے
Nishan-e-rah dikhate the jo sitaron ko
Taras gae hain kisi mard-e-rah-dan ke liye
نگاہ بلند سخن دل نواز جاں پرسوز
یہی ہے رختِ سفر میرِ کارواں کے لیے
Nigah buland sukhan dil-nawaz jaan pur-soz
Yahi hai rakht-e-safar mir-e-karwan ke liye
ذرا سی بات تھی اندیشۂ عجم نے اسے
بڑھا دیا ہے فقط زیبِ داستاں کے لیے
Zara si baat thi andesha-e-ajam ne use
Badha diya hai faqat zeb-e-dastan ke liye
مرے گلو میں ہے اک نغمہ جبریل آشوب
سنبھال کر جسے رکھا ہے لا مکاں کے لیے
Mere gulu mein hai ek naghma jibrail-ashob
Sambhal kar jise rakha hai la-makan ke liye

0 Comments